ہیوسٹن کراچی سسٹر سٹی ایسوسی ایشن کے ایک وفد نے، جس کی قیادت صدر محمد سعید شیخ کر رہے تھے اور جس میں ماجد عزیز، کاشف غیاث اور جلال الدین شامل تھے، گورنر ہاؤس کراچی میں گورنر سندھ نہال ہاشمی سے ملاقات کی۔ ملاقات میں تعلیم، صحت، انسانی خدمات، آئی ٹی اور تجارت کے شعبوں میں تعاون بڑھانے پر تفصیلی گفتگو کی گئی۔
صدر ایچ کے ایس سی اے نے 2025 کے سیلاب کے دوران پاکستان میں جاری امدادی سرگرمیوں کے حوالے سے ہیوسٹن کراچی سسٹر ایسوسی ایشن، پی اے جی ایچ، اے ایف ڈی ، آر اور اپنا ایس ٹی سی کی مشترکہ کاوشوں پر اظہارخیال کیا
اس موقع پر انہوں نے نفاذی شراکت دار ادارے ہیلپنگ ہینڈز فار ریلیف اور ڈپولمنٹ کے ساتھ جاری مستقل منصوبوں اور نوجوانوں کے لیے کرکٹ ٹریننگ پروگرامز جیسے اقدامات کے بارے میں بھی آگاہ کیا، جبکہ ہیوسٹن اور کراچی کے درمیان مزید تعاون کے مواقع پر بھی تبادلہ خیال کیا گیا۔
گورنر سندھ نے ہیوسٹن کراچی سسٹر سٹی ایسوسی ایشن کی تعلیم، انسانی امداد اور نوجوانوں کی مہارتوں کی ترقی کے شعبوں میں خدمات کو سراہا۔ انہوں نے سسٹر سٹیز کے تصور کو قابلِ تحسین قرار دیتے ہوئے ایسوسی ایشن کے قیام اور کامیابیوں کو سراہا اور اس کے تمام جاری اور مستقبل کے اقدامات میں مکمل تعاون کی یقین دہانی کرائی۔
ملاقات کے دوران، ہیوسٹن کے میئر کی جانب سے خیرسگالی کے اظہار کے طور پر محمد سعید شیخ نے گورنر سندھ کو سٹی آف ہیوسٹن کی پیش کی، جبکہ گورنر سندھ نے بھی وفد کو تعریفی یادگاری شیلڈ پیش کی۔
