قدرتی یا انسانی ساختہ آفات کے بعد جہاں مادی نقصانات کی بحالی شروع ہو جاتی ہے، وہیں ماہرین کے مطابق ذہنی اور جذباتی اثرات طویل عرصے تک برقرار رہ سکتے ہیں۔ متاثرین کو بے چینی، ڈپریشن، غم اور ذہنی دباؤ کا سامنا ہو سکتا ہے، جبکہ ریسکیو اہلکار اور متاثرہ افراد کے اہل خانہ بھی شدید ذہنی دباؤ کا شکار ہو سکتے ہیں۔ایسے حالات میں ڈیزاسٹر ڈسٹریس ہیلپ لائن متاثرہ افراد کی مدد کے لیے متحرک ہے، جو آفات سے متاثرہ افراد، امدادی کارکنوں اور ان کے عزیزوں کو فوری سہارا فراہم کرتی ہے۔
یہ ہیلپ لائن 24 گھنٹے، ہفتے کے ساتوں دن مفت اور رازداری کے ساتھ خدمات فراہم کرتی ہے۔ ضرورت مند افراد 1-800-985-5990 پر کال یا ٹیکسٹ کر کے تربیت یافتہ مشیروں سے بات کر سکتے ہیں، جو انہیں جذباتی مدد، مسائل سے نمٹنے کے طریقے اور مقامی سہولیات کے بارے میں رہنمائی فراہم کرتے ہیں۔ماہرین کے مطابق بروقت مدد حاصل کرنا طویل المدتی ذہنی مسائل سے بچنے میں اہم کردار ادا کرتا ہے۔ خوف، غصہ، نیند کی کمی اور توجہ میں کمی جیسی علامات کو نظر انداز نہیں کرنا چاہیے۔ حکام عوام سے اپیل کر رہے ہیں کہ اس ہیلپ لائن کے بارے میں آگاہی پھیلائیں تاکہ زیادہ سے زیادہ افراد اس سہولت سے فائدہ اٹھا سکیں۔
